Китоб пас аз сабти ном дастрас аст.
| Номи китоб: | Куштори бе хун |
| Муаллиф: | |
| Соли нашр: | 0 |
| Теъдоди саҳифаҳо: | Не известно |
| Субҳ медамид. Абрҳои сиёҳ, ки тамоми шаб боми биноҳои пасту баланд, кӯчаҳои тангу фаррохи шаҳрро обёрӣ мекард, пароканда мешуданд. Навбатдори шуъбаи корҳои дохилӣ, капитани милисия Бахтиёр Шоҳин бо як эҳсосоти аҷибе ҷониби кӯҳҳо Анзобу саргаҳи Кофарниҳон дар шино буда, зеҳн мемонд. Соат алакай аз панҷ гузашта ва шаб рахти сфар барбаста буд. Агар се моҷарои оилавиро истисно кунем, дар навбатдории онҳо , шукри худо, ҳодисаи нохуше рӯй надод. Он се моҷаро ҳам ба гуноҳи мардон. Яке аз маърака ва ду нафари дигар аз ҳисоби худ то хекиртак май зада, масту аласт хона омаданд. «Думи саги мо доимо кақ» - гӯён мағал бардоштанд. Ҳамсояҳо, ки аз ин нағмаҳои шуми онҳо ба дод омада буданд ноилоҷ ба шӯъбаи корҳои дохилӣ сим заданд. Ба ҳар ҳол асас як бор аз дарашон дарояд, худро нишон диҳад панд мешавад. Фикрҳои дупӯстаи онҳоро меафшонд. Маст ҳам каме ба худ меомад. Чаро онҳо ин қадар зиёд менӯшанд? Ҳар чӣ ба анозааш. Нон ҳам аз ҳад зиёд хӯрӣ, ҳаром. Ӯ бо ҳамин андешаҳо назди ёрдамчии худ Карим Расул омад. Дар ҷавоби саломи ӯ даст ба чакаи сар бурд. |