Китоб пас аз сабти ном дастрас аст.
| Номи китоб: | Сиёсати хориҷии Тоҷикистон дар масири истиқлолият |
| Муаллиф: | |
| Соли нашр: | 2011 |
| Теъдоди саҳифаҳо: | 340 |
| Китоби мазкур ба 20-солагии Истиқлолияти давлатии Ҷумҳурии Тоҷикистон бахшида шудааст. Дар он раванд ва дастовардҳои сиёсати хориҷии Тоҷикистон, муносибатҳои дуҷониба ва бисёрҷонибаи кишвар бо давлатҳои мухталифи ҷаҳон, ҳамкории пурмаҳсули он бо созмонҳои байналмилалӣ ва минтақавӣ, аз қабили СММ, САҲА, СКИ, СҲИ, СААД, ИДМ, СҲШ ва дигарон инъикос ёфтаанд. Ҳамзамон, бахшҳои алоҳидаи китоб чунин бобҳоеро ба монанди ташаббусҳои байналмилалии Тоҷикистон, ҳамкориҳои иқтисодии он бо мамлакатҳои гуногуни олам ва созмонҳои байналмилалӣ, музокироти сулҳи тоҷиконро дар бар мегирад. Китоб аз сарсухани Президенти Ҷумҳурии Тоҷикистон Эмомалӣ Раҳмон ва мақолаи Вазири корҳои хориҷӣ Ҳамрохон Зарифӣ таҳти унвони «Сиёсати хориҷии давлати тозаистиқлол» оғоз меёбад. Ҳамчунин, китоб аз солномаи рӯйдодҳои муҳим дар сиёсати хориҷии Тоҷикистон, рӯйхати кишварҳое, ки истиқлолияти давлатии Тоҷикистонро эътироф кардаанд ва кишварҳое, ки бо он муносибатҳои дипломатӣ барқарор намудаанд, созмонҳои байналмилалие, ки давлати мо узви онҳост ва рӯйхати намояндагиҳои дипломатии хориҷӣ дар Тоҷикистон ва намояндагиҳои дипломатии кишвар дар хориҷа иборат аст, ки онҳо дорои аҳамияти хос ва маълу- моти мавриди таваҷҷӯҳи доираи васеи хонандагон мебошанд. Матнҳои маводи дар китоб истифодашударо раёсатҳои зерини Вазорати корҳои хориҷии Ҷумҳурии Тоҷикистон омода кардаанд. Раёсати иттилоот, матбуот, таҳлил ва тарҳрезии сиёсати хориҷӣ, Раёсати ташрифоти давлатӣ, Раёсати кадрҳо ва иттилооти махсус, Раёсати кишварҳои Иттиҳоди Давлатҳои Мустақил, Раёсати кишварҳои Осиё ва Африка, Раёсати кишварҳои Аврупо ва Америка, Раёсати созмонҳои байналмилалӣ, Раёсати шартномавӣ-ҳуқуқӣ ва Шӯъбаи ҳамкориҳои иқтисодӣ. Дар китоб ҳамчунин расмҳо аз бойгонии Хадамоти матбуотии Президенти Ҷумҳурии Тоҷикистон, АМИТ «Ховар», идораҳои рӯзномаҳои «Ҷумҳурият» ва «Народная газета», Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон истифода шудаанд. |